Previo da final a catro senior

Co pracer do obxectivo cumprido polos Junior a semana pasada coa súa clasificación para o sector, este próximo fin de semana será o turno de disputarse aa Liga Galega Senior no Palacio dos Deportes de Riazor. Nesta categoría é un todo ou nada, onde tan so o equipo campeón continuará na loita polo ascenso a Primeira División Nacional. O noso equipo rematou unha liga regular moi igualada en terceira posición e superou os cuartos de final tras vencer nos dous partidos ao H.C. Traviesas de Vigo. Será unha empresa moi complicada onde os nosos xogadores necesitarán todo o noso ánimo para facerse co título. A continuación podedes ver o calendario dos partidos. Todos ao palacio a animar a Domi!