Previo das finais a catro alevín e xuvenil e outros partidos de hockey sobre patíns do fin de semana

Comeza o mellor momento da tempada para moitas das categorías base de hockey sobre patíns. Esta fin de semana será o momento no que os nosos equipos Alevín A e Xuvenil disputen as finais a catro das súas categorías, onde se decidirá o Campeón Galego. Este ano modificarase o formato destas finais, disputándose en modo de semifinais e final. No caso do Xuvenil, o terceiro posto tamén ten o premio do pase ao Sector Norte que da acceso ao Campeonato de españa (na categoría Alevín os catro equipos xa están directamente clasificados).

Tódolos partidos das dúas categorías disputaranse no Pavillón Os Campóns de Cambre. A nosa participación comezará o sábado as 11:30 co equipo Xuvenil, que rematou a liga regular en terceira posición, xogando a semifinal ante o potente C.H. Compostela A (segundo na liga regular). A continuación (arredor da 13:00) será o turno do Alevín A. Os nosos rapaces lograron o primeiro posto da liga regular tras vencer en tódolos partidos, e queren manter o seu bo xogo ante o A.C. Ordes, cuarto clasificado. Para o domingo pola tarde queda a loita polas medallas e polo título. Iremos informando vía redes sociais dos resultados e de cando xogan os nosos equipos. Para aqueles que non poidades asistir os partidos emitiranse vía web polo canal de youtube de GaliciaNHockey.

Non nos esquecemos de que tamén teñen partido de liga outros equipos. Entre eles destaca o desprazamento do primeiro equipo a Asturias, os encontros dos nosos micro, ou o partido do noso Prebenxamín A entre os dous primeiros clasificados. A continuación deixamos os horarios de todos os partidos: