Previo das Finais a 4 Junior e Infantil e outros partidos da xornada de hockey sobre patíns

Tras o éxito dos equipos do noso clube nas Finais a 4 alevín e xuvenil da pasada semana, este próximo sábado é o turno do equipo Junior e o Infantil A. Xogarán no pavillón de Vite (Santiago de Compostela) de novo en formato de eliminatorias. As semifinais serán o sábado pola mañá, quedando para o domingo pola tarde as finais polo título e os partidos polo terceiro e cuarto posto (que traen o premio da clasificación para o sector do que remate como terceiro clasificado na liga).

O primeiro en xogar será o Junior, que rematou terceiro na liga regular e enfrontarase ao A.C. Ordenes as 10:30. Xusto a continuación (12:00) será o turno do Infantil A, primeiro clasificado da liga regular que xogará fronte ao equipo local do H.C. Raxoi. Estas son dúas categorías con equipos moi aparellados así que espérase que todos os partidos sexán moi disputados. Polo visto nas ligas regulares pode pasar de todo.

Tamén na mesma finde semana o primeiro equipo comezará a segunda volta en Carballo ante o Escola Lubiáns, nun partido onde os nosos queren retomar o hábito das victorias e poñer unha marcha directa cara o desexado ascenso. O partido será as 19:30.

En canto aos máis pequeno, a maioría dos equipos descansan xa polas vacacións, pero aquí vos deixamos todos os horarios dos que teñen partido.